İsmayıllı rayonunda yetkinlik yaşına çatmayan Samirə Qasımova (ad şərti) ilə cinsi əlaqədə olan Habil Qasımovun (ad şərtidir) həbsi ilə bağlı təfərrüatlar məlum olub.
Shimal.News-un əldə etdiyi məlumata görə, Habil Qasımov 1980-cı ildə İsmayıllı rayonunun Gəndov kəndində anadan olub.
O, 2022-ci ildə cəzaçəkmə müəssisəsindən azad olunaraq İsmayıllıda yerləşən öz evinə qayıdıb. Həmin ilin iyulunda onunla eyni evdə birgə yaşayan 13 yaşlı qızına qarşı seksual hərəkətlər etməyə başlayıb. Bu hərəkətlərlə qızından istifadə edərək öz cinsi ehtirasını təmin edib. Daha sonra iyul ayının sonlarına yaxın bu hərəkətləri təkrarlayıb və 13 yaşlı qızı ilə cinsi əlaqədə olub. Həmin gündən 2023-cü ilin dekabr ayının sonlarına kimi azyaşlı qızı ilə mütəmadi olaraq qəsdən cinsi əlaqədə olub və seksual xarakterli digər hərəkətlər edib. 2024-cü ildə İsmayıllı Rayon Mərkəzi Xəstəxanasında müayinə zamanı 13 yaşlı qızın 34 həftəlik hamilə olması müəyyən edilib.
Habil Qasımov Cinayət Məcəlləsinin 152.4.1-ci (14 yaşına çatmayan şəxslə cinsi əlaqədə olma – Onu tərbiyə etmək funksiyasını daşıyan şəxs tərəfindən törədilməklə) maddəsinə əsasən təqsirli bilinib.
Məhkəmə istintaqı Şəki Ağır Cinayətlər Məhkəməsində Rafail Əliyevin sədrliyi ilə aparılıb.
Məhkəmə istintaqı zamanı təqsirləndirilən şəxs qismində dindirilmiş Habil Qasımov hadisə üzrə özünü təqsirli bilməyib:
“Hadisədə özümü təqsirli bilmirəm. Leyla mənim qızımdır. Leylanı məktəbə göndərib, ona namaz qılmağı öyrətmişəm. 2018-ci ildə mən həbsdə olanda arvadım türmə yoldaşıma ərə getdi. Halbuki, Tahirə mənim nikahlı arvadım idi. Həbsdən çıxıb evə gedəndə qayınanama zəng edib, uşaqları görmək istədiyimi dedim. Sonra uşaqlarımı yanıma gətirdim. Qızım məktəbdə oxuyurdu, əgər ona qarşı əxlaqsız hərəkət etmiş olsaydım, necə məktəbə göndərə bilərdim? Mən şərəfsiz biri deyiləm ki, qızıma qarşı belə bir şey edim. Uşağın qan analizi alınsın və nəticələri məhkəməyə göndərilsin. Çünki mənim qanımda bir çox xəstəlik var. Görək həmin xəstəlik qızın qanında çıxacaqmı? Samirənin ifadəsində göstərdikləri yalandır”.
Məhkəmə istintaqı zamanı Habil Qasımov verilən suallara cavab olaraq bildirib ki, uşağın kimdən hamilə qaldığını anası yaxşı bilir:
“Samirəni öyrədən anasıdır. Uşaq anasıgilə gedib-gəlirdi. Nə olubsa, orada olub. Qızımla ayrı-ayrı otaqlarda yatırdıq. Samirə daimi evdə olurdu. Onun qarnının böyüdüyünü görməmişəm”.
Məhkəmə istintaqında qanuni nümayəndəsi vasitəsi ilə zərərçəkmiş Samirə Qasımova dindirilib. Yetkinlik yaşına çatmayan qız məhkəməyədək icraat zamanı verdiyi ifadəsini təsdiq edərək, deyib:
“Atam, nənəm və qardaşımla birlikdə yaşayırdıq. Atam həbsə düşəndə, anam dolanışığa görə bizi bir həftə Ağsu rayonunun Bəyimli kəndində yaşayan baba və nənəmin yanına göndərib. Daha sonra anam məni qardaşımla Bakı şəhəri, Binəqədi rayonu Sulutəpə qəsəbəsinə apardı, orada həyət evində kirayə yaşamağa başladıq. Anamın Nicat adlı şəxslə yaxından əlaqəsi var idi. Bizə tez-tez gəlib gedirdi. Atam həbsdən çıxdıqdan sonra nənəm bizi rayona, onun yanına apardı. Atamla ata-bala kimi qucaqlaşıb yatırdıq. Atama qarşı hər hansı bir sevgi hissim olmayıb. Zaman keçdikcə atamın mənim cinsi orqanıma toxunduğunu, özünü mənə sürtdüyünü hiss etdim. Atam bu barədə kiməsə məlumat verəcəyim halda məni döyəcəyini dedi. Qorxduğum üçün heç kimə heç nə demədim. Anamla danışmağı mənə qadağan etdi. Bir müddət sonra qardaşımla nənəm yatanda atam yanıma gəldi. Zorla mənimlə cinsi əlaqədə oldu. Bu andan başlayaraq bir müddət atamın istəyi ilə onunla cinsi əlaqədə oldum. Bir müddət sonra qarnımın şişdiyi üçün hamilə qaldığımı anladım. Atama bunu dedim. O, mənə “səni xəstəxanaya apara bilmərəm, işin üstü açılar, səndən gələcəkdə kimsə bu barədə soruşsa, deyərsən ki, atamın türmə yoldaşı Rəhim mənimlə cinsi əlaqədə olub” dedi.
Məktəbə gedəndə müəllimlərin təkidlə üst gödəkçəmi çıxaranda hamilə olduğumu gördülər. Mən də atamın dediyi kimi Rəhimin mənimlə cinsi əlaqədə olduğunu dedim”.
Məhkəmə istintaqı zamanı məlum olub ki, bu ilin fevralın 15-i icra hakimiyyətinin işçiləri onların yaşadığı evə gəlib və qızı müayinə etmək üçün İsmayıllı rayon mərkəzi xəstəxanasına aparıblar. Müayinə zamanı Samirə Qasımovanın 34 həftəlik hamilə olduğu müəyyən edilib.
Ekspertiza rəyində isə yeniyetmənin bətnindəki dölün H. Turabovdan olması qeyd edilib.
Məhkəmə-psixoloji ekspertizasının rəyinə əsasən, təqsirləndirilən şəxsdə hər hansı psixi xəstəliyin əlamətləri aşkar olunmayıb.
Sonda məhkəmənin yekun qərarı ilə Habil Qasımov 9 il müddətində azadlıqdan məhrum edilib. O, azadlıqdan məhrumetmə cəzasını ciddi rejimli cəzaçəkmə müəssisəsində çəkəcək.
