Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə İsmayıllıda Aqrar Biznes Festivalı keçirilib. Bu barədə ShimalNews 9 may tarixində məlumat verir.
Tədbirdə, eləcə də Ağsu, Qobustan, Qəbələ, Ağdaş, Göyçay və Şamaxı rayonlarından fermerlər iştirak ediblər. Burada müxtəlif şirkətlərin təklif etdiyi kənd təsərrüfatı texnikalarının üzərinə yerləşdirilən və uzaqdan idarəedilən GPS texnologiyaları, müasir suvarma sistemləri, kənd təsərrüfatı texnikaları, toxum, gübrə, pestisid nümunələri və iqlimədost texnika və texnologiyalarla əyani tanışlıq olub, istifadə qaydaları və texniki göstəriciləri barədə məlumat təqdim olunub.
Həmçinin festivalda maliyyə dəstəyi və dövlət güzəştlərindən daha çox fermer-sahibkarın faydalanması üçün şərait yaradılıb və təlimlər keçirilib.
