İsmayıllıda mədəniyyət müəssisələrinin işçiləri antinarkotik təbliğatına həsr olunan tədbirdə iştirak ediblər. Bu haqda ShimalNews 30 noyabr tarixində məlumat verir.
Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası tərəfindən təqdimat keçirilib.
Narkotik asılılıq probleminə dair biliklərinin və peşəkarlıq səviyyəsinin artırılması məqsədilə iştirakçılara narkotik maddələrdən istifadənin risk amilləri, psixoaktiv maddələrin xüsusiyyətləri və onların sağlamlığa zərərli təsiri, narkotik asılılığın formalaşma mərhələləri, antinarkotik təbliğatın vacibliyi, narkomanlığa qarşı mübarizə üsulları barədə geniş məlumat verilib.
Sonra iştirakçıları maraqlandıran suallar ətrafında müzakirələr aparılıb. Eləcə də metodik kitabçalar və zəruri təbliğat materialları paylanılıb.
