Xalqımızın tarix boyu yaşatdığı bir çox sənət növləri kimi nalbəndlik də İsmayıllı rayonunda nəsildən nəsilə keçərək indiki dövrümüzədək gəlib çatıb. Bu haqda ShimalNews 14 dekabr tarixində Xəzər TV-yə istinadən məlumat verir.
Hazırda bu sənəti yaşadanları barmaqla saymaq olar. Onlardan biri də İsmayıllının yeganə nalbəndi Mirhəsən Abdullayevdir. O, 49 ildir dəmirçilik ilə məşğul olur. Sənətkar deyir ki, nalbəndliyi atasından öyrənib və hazırda özü də oğluna öyrədir. Gənclərin əksəriyyətinin isə bu sənətə meyilli olmadığını bildirir:
“Bütün cavanlardan xahiş edirəm, öyrənsinlər. Bu sənət elə bir sənətdir ki, ölməzdir. Həyat varsa, dəmirçilik sənəti, nalbəndlik sənəti həmişə olacaq”.
