İsmayıllının Qalacıq kəndində asılı vəziyyətdə meyit tapılıb. Bu barədə ShimalNews 5 iyun tarixində məlumat verir.
Hadisə iyunun 4-ü kəndin aşağı hissəsində yerləşən qəbiristanlıqda baş verib. Burada 25 yaşlı Mican kənd sakini Rəvan Cəfərov ölü tapılıb.
İlkin məlumata görə, həmin gənc intihar edib. Meyit Tibbi Ekspertiza və Patoloji Anatomiya Birliyinin İsmayıllı rayon şöbəsinə aparılıb.
Faktla bağlı prokurorluq tərəfindən araşdırma aparılır.
