İsmayıllıda “Zəfərin mübarək, Azərbaycan!” adlı konsert proqramı təşkil olunub. Bu haqda ShimalNews 9 noyabr tarixində Nahid Bağırovun Facebook hesabına istinadən məlumat verir.
“Şuşa ili” çərçivəsində təşkil edilən şənlik Heydər Əliyev adına Mədəniyyət Mərkəzində baş tutub. Tədbir iştirakçıları ümummilli lider Heydər Əliyevin abidəsini və Şəhidlər xiyabanını ziyarət edib, ulu öndərin və şəhidlərin xatirələrini ehtiramla yad ediblər.
Mərasimdə Respublikanın tanınmış incəsənət ustaları sevilən mahnılarını ifa ediblər.
Millət vəkili Novruzəli Aslanov, hüquq-mühafizə orqanlarının rəhbərləri, idarə, müəssisə rəhbərləri, şəhid ailələri, qazilər və ictimaiyyət nümayəndələri şənlikdə iştirak ediblər.
