İsmayıllı rayonunda “İnsan hüquqları aylığı” çərçivəsində tədbir keçirilib. Bu barədə ShimalNews 15 noyabr tarixində Dağlıq Şirvan Regional Gənclər və İdman İdarəsinə istinadən məlumat verir.
Tədbir Yeniyol kənd tam orta məktəbində baş tutub. Mərkəzin əməkdaşları, RİH-nin əməkdaşı Bəhruz Xələfov, Dağlıq Şirvan Regional Gənclər və İdman İdarəsinin rəis müavini Fərhad Qurbanov, Rayon Polis Şöbəsinin əməkdaşı Rahim Orucov, Yeniyol kənd orta məktəbinin şagird və müəllim kollektivi iştirak ediblər.
Çıxış edənlər Uşaq Hüquqları Konvensiyasının yaranma tarixi, mahiyyəti, ideya və məzmunu haqqında geniş məlumat veriblər. Tədbirdə iştirak edən qonaqlar öz çıxışlarında irqindən, cinsindən, mənşəyindən asılı olmayaraq, hər bir uşağın öz hüquqlarından istifadə edə bilməsinin vacibliyini vurğulayıblar.
