Vətən müharibəsi şəhidi Nicat Həsənquliyevin ailəsi ziyarət edilib. Bu barədə ShimalNews 21 dekabr tarixində sosial şəbəkələrə istinadən məlumat verir.
Kiçik çavuşun ailəsinə İsmayıllı rayon MKS-nin Basqal kənd kitabxana filialının əməkdaşı Raya Babayeva baş çəkib. Görüş zamanı ailənin qayğıları ilə maraqlanılıb, müharibə vaxtı Nicatın qəhrəmanlığı haqda danışılıb.
Nicat Həsənquliyev sentyabrın 27-si Azərbaycanın ərazi bütövlüyünün bərpa olunması üçün başlanan Vətən müharibəsi zamanı Cəbrayılın, Hadrut qəsəbəsinin və Füzulinin azadlığı uğrunda gedən döyüşlərdə iştirak edib. O, ölümündən sonra "Vətən uğrunda", "Cəbrayılın azad olunmasına görə", "Füzulinin azad olunmasına görə" medalları ilə təltif edilib.
