Qusar rayonunun Xuluq, İsmayıllı rayonunun Tircan kəndləri ərazisində meşə fonduna daxil olmayan ağac və kolun qanunsuz kəsilməsi qeydə alınıb. Bu barədə ShimalNews 4 dekabr tarixində məlumat verir.
Araşdırmalar zamanı təbiətə ziyan vurulmaya dair əsaslı şübhələr müəyyən edilib. Aşkar edilmiş faktlarla bağlı Cinayət Məcəlləsinin 259.1, 259.2.4 və 259.3-cü (qabaqcadan əlbir olan bir qrup şəxs tərəfindən xeyli və külli miqdarda ziyan vurmaqla qanunsuz ağac kəsmə) maddələri ilə cinayət işləri başlanaraq istintaqın aparılması üçün aidiyyəti üzrə daxili işlər orqanlarına göndərilib.
