İsmayıllı rayonunda ilk dəfə səs verəcək gənclərlə maarifləndirici görüş keçirilib. Bu haqda ShimalNews 23 yanvar tarixində məlumat verir.
Dövlət Humanitar və Texnologiya Kollecində keçirilən tədbirin əsas məqsədi gənclərin seçki proseduru ilə tanış edilməsi, informasiya çatışmazlığının aradan qaldırılması, tələbələr arasında seçki prosesinin və seçkilərdə (referendumda) iştirakın təbliği və vətəndaş cəmiyyətinin inkişafına töhfə vermək olmuşdur.
Tədbir zamanı gənclərə seçki hüququndan düzgün istifadə etmə qaydaları, səsvermə günü şəxsin necə səs verməsi, ümumilikdə seçkinin əhəmiyyəti, gənclərin inkişafı üçün mövcud olan imkanlar haqda məlumatlar verilib.
Sonda seçkilər haqqında təlimatları özündə əks etdirən kitablar paylanıb.
