İsmayıllı rayonu seçki könüllülərinin dayanacağı olub. Bu haqda ShimalNews 16 yanvar tarixində məlumat verir.
Könüllülər qarşıdan gələn növbədənkənar prezident seçkilərində ilk dəfə səs verəcək gənclərlə “Gəncin səsi, Gələcəyin səsi!” şüarı altında görüş keçiriblər.
Tədbirin əsas məqsədi fevralın 7-nə təyin edilmiş seçkilərdə səs verəcək region gəncləri üçün seçicinin hüquq və vəzifələri, seçki prosesində iştirak etmək üçün lazım olan prosedur qaydaları barədə ətraflı məlumat vermək və bütün gəncləri seçkidə iştirakçılığa səsləməkdir.
Görüş Azərbaycan Gənclər Fondunun dəstəyi, Azərbaycan Könüllü Təşkilatları İttifaqının (AKTİ) təşkilatçılığı ilə həyata keçirilib.
