İsmayıllı rayon sakini külli miqdarda narkotiklə tutulub. Bu barədə ShimalNews 19 iyun tarixində Azərbaycan Respublikası Dövlət Sərhəd Xidmətinə istinadən məlumat verir.
Dövlət Sərhəd Xidməti və Daxili İşlər Nazirliyi əməkdaşları əməliyyat keçiriblər. İyun ayının 18-də saat 02:10-da 102 kq-dan çox narkotik vasitənin keçirilməsinin qarşısı alınıb.
Keçirilən tədbirlər zamanı Beyləqan rayonunun Xələc kəndi yaxınlığında “Chevrolet” markalı nəqliyyat vasitəsi şübhə doğurduğu üçün saxlanılıb.
Avtomobilə baxış keçirilərkən güclü təsiredici vasitə hesab edilən 1200 ədəd “metadon M-40” həbi aşkar olunaraq götürülüb.
Araşdırma zamanı saxlanılan şəxslərin 46 yaşlı İsmayıllı rayon sakini Qorxmaz Hüseynov və 28 yaşlı Binəqədi rayon sakini Rzayev Vəli İmdat oğlu olmaları müəyyən edilib.
Əməliyyаt-istintaq tədbirləri dаvаm еtdirilir.
