İsmayıllıda atletika idman növü üzrə turnir keçirilib. Bu haqda ShimalNews 30 noyabr tarixində xəbər verir.
Yarış Gənclər və İdman İdarəsi (Gİİ) və İsmayıllı Təhsil sektoru tərəfindən təşkil edilib. Heydər Əliyev adına Parkda keçirilən tədbirdə icra hakimiyyətinin əməkdaşları Bəhruz Xələfov və Əfqan Səlimov, Gİİ rayon nümayəndəliyinin rəisi Taleh Salehov və əməkdaşları, Uşaq və Ailələrə Dəstək Mərkəzinin direktoru Lətifə Əliyeva, şəhid valideynləri Könül Şıxızadə, Aynurə Mirzəliyeva və Aydın Abdullayev, məktəb müəllimləri və şagirdlər iştirak ediblər.
Turnir şəhid Tural Şıxızadənin xatirəsinə həsr olunub. Bununla şəhidlərimizin xatirəsinin daim yad edilməsi, vətənpərvərlik hissini yüksəltmək, məktəblilər arasında sağlam həyat tərzinin təbliği və zərərli vərdişlərdən uzaq olmaqları məqsədləri hədəfə alınıb.
