İsmayıllının Hacıhətəmli kəndindən olan şəhid Qədim Xəlilovun yas mərasimi baş tutub. Bu barədə ShimalNews 26 sentyabr tarixində "Qayğıya ehtiyacı və Əlilliyi olan Şəxslərə Dəstək" İctimai Birliyinə istinadən məlumat verir.
Mərasim Aprel döyüşlərinin qazisi Ramil Behbudovun həyat yoldaşı Günay xanımın təşəbbüsü və adıçəkilən ictimai birliyin təşkilatçılığı ilə keçirilib.
Burada şəhid ailələri, qazilər, QHT nümayəndələri, şəhidin müəllimləri, sinif yoldaşları və media nümayəndələri iştirak ediblər.
Öncə şəhidin məzarı ziyarət olunub, ailəsinə baş çəkilib. Daha sonra isə birliyin idarə heyəti tərəfindən şəhidin oxuduğu məktəbdə tədbir təşkil edilib.
Qədim Xəlilov 2022-ci il sentyabrın 12-dən 13-nə keçən gecə düşmənin törətdiyi təxribata cavab olan əks-hücum zamanı döyüşlərdə qəhrəmancasına şəhid olub.
