Ermənistan silahlı qüvvələrinin törətdiyi genişmiqyaslı hərbi təxribatların qarşısı alınan zaman şəhidlik zirvəsinə ucalan Cavidan Bədəlovun ailəsi ziyarət olunub. Bu barədə ShimalNews 24 sentyabr tarixində Sosial Xidmətlər Agentliyinə istinadən məlumat verir.
Agentliyin sədri Vüqar Behbudov İsmayıllının Talıstan kəndində olub. O, Bədəlovlar ailəsinin vəziyyəti ilə maraqlanıb və bildirib ki, onlara dəstək göstərilməsi üçün artıq işlərə başlanılıb.
Cavidan Bədəlov Daşkəsən istiqamətində gedən döyüşlərdə şəhid olub. O, həmçinin Vətən müharibəsində iştirak edib.
Prezident İlham Əliyevin müvafiq Sərəncamları ilə Cavidan “Azərbaycan Ordusunun 100 illiyi”, “Vətən müharibəsi iştirakçısı” və ”Kəlbəcərin azad olunmasına görə” medalları ilə təltif edilib.
