“Azəriqaz” İB-nin direktoru İsmayıllı rayonuna səfər edib. Bu barədə ShimalNews 23 sentyabr tarixində quruma istinadən məlumat verir.
Ruslan Əliyev İsmayıllı Rayon İcra Hakimiyyətinin başçısı Nahid Bağırov ilə birlikdə Qoşakənd kəndində görülən işlərlə yaxından tanış olub. Burada çəkilməsi nəzərdə tutulan 13 min 500 metr uzunluqda olan xəttin 10 min metr hissəsi artıq başa çatıb. 212 fərdi yaşayış evi olan kəndin küçə qaz xəttinin çəkilməsi üzrə işlərin tez bir zamanda yekunlaşması üçün direktor bir sıra göstəriş verib.
Səfər çərçivəsində Ruslan Əliyev işçilərin qayğıları ilə maraqlanıb. Həmçinin bir qrup əməkdaş Fəxri Fərman və hədiyyə ilə mükafatlandırılıb.
