İsmayıllı rayonuna yağan güclü leysan bir sıra fəsadlar törədib. Bu barədə ShimalNews 7 iyun tarixində məlumat verir.
İyunun 6-sı axşam saatlarından başlayan yağıntılı hava şəraiti Gəndov və Namazgah kəndlərində təsərrüfatlara ciddi ziyan vurub. Yaşayış evlərini və obyektləri su basıb, dirəklər aşıb, qaz və elektrik təminatı dayanıb. Eləcə də nəqliyyat vasitələrinin hərəkəti çətinləşib, Yuxarı Zərnava və Lahıc yolları isə bağlanıb.
“Gecə saatlarından yol bağlanıb. Qurumun əməkdaşları məlumat daxil olan andan əraziyə göndəriliblər, orada işlər gedir. Lahıc yolunun bir neçə hissəsində iri qaya parçaları yola tökülüb. Əməkdaşlar həmin qayaların yoldan kənarlaşdırılması istiqamətində tədbirlər görürlər. Yaxın 1 saat ərzində Lahıc yolunda hərəkətin bərpa olunması gözlənilir”, - deyə Avtomobil Yolları Dövlət Agentliyinin Mətbuat Xidmətinin rəhbəri Anar Nəcəfli bildirib.
[video width="1080" height="1080" mp4="https://shimal.news/storage/photos/2023/06/Sequence-01_1.mp4"][/video]
