İsmayıllıda Rabitə və informasiya texnologiyaları sahəsinin işçilərinin peşə bayramı qeyd edilib. Bu barədə ShimalNews 6 dekabr tarixində İsmayıllı RİH-yə istinadən məlumat verir.
Bu münasibətlə rabitə və telekommunikasiya qovşağının işçiləri ilə birgə Heydər Əliyevin abidəsi ziyarət edilib, önünə gül dəstələri düzülüb.
1881-ci il dekabrın 6-da “Nobel qardaşları cəmiyyəti” tərəfindən Azərbaycanda rəsmi olaraq ilk telefon xətti istismara verilib. Rabitə sahəsi üçün böyük önəm kəsb edən bu tarix Prezident İlham Əliyevin 2006-cı il 2 dekabr tarixli müvafiq Sərəncamına uyğun olaraq, rabitə və informasiya texnologiyaları sahəsi işçilərinin peşə bayramı günü kimi qeyd olunur.
