İsmayıllıda faydalı qazıntı yataqları hərraca çıxarılacaq. Bu haqda ShimalNews 5 iyun tarixində Report-a məlumat verir.
İyulun 5-də yerin təkinin istifadəyə verilməsi üzrə auksionda “Bilistan-II”, “Təzəkənd”, “Göyçay-I” qum-çınqıl yataqları satışa çıxarılacaq.
Başlanğıc qiymətləri 2500 - 76.000 manat arasında dəyişən yataqlara sahib olmaq üçün iddiaçılar müvafiq sənədlər toplusunu iyunun 22-si saat 16:00-a qədər Bakı şəhəri, Ziya Bünyadov prospekti, 38 C, 1969-cu məhəllə (Bakı KOB evi) ünvanına təqdim etməlidirlər. Göstərilən vaxtdan gec təqdim olunmuş sənədlər açılmadan geri qaytarılacaq.
Hərrac Əmlak Xidmətləri Məkanında (Bakı şəhəri, Nizami rayonu, Xəlil Rza Ulutürk küçəsi, 20) keçiriləcək.
