İsmayıllı rayonunda yazıçı Qəhrəman Adgözəlovun “Buludsuz leysan” və “Sübhün nəğməsi” adlı kitablarının təqdimatı keçirilib. Bu haqda ShimalNews 7 dekabr tarixində Mərkəzləşdirilmiş Kitabxana Sisteminə istinadən məlumat verir.
Tədbir zamanı yazıçının şeirinə həsr olunmuş videoçarx nümayiş olunub. Daha sonra yazıçı Hacıməmməd Məmmədov, şair Cəbrayıl Hüseyn, müxbir, şair Şahməmməd Dağlaroğlu, şair Fizuli Baxışov çıxış ediblər.
Şair, peşəkar rəssam-heykəltaraş, taxta üzərində oyma sənətinin mahir ustası Qəhrəman Adgözəlov öz şeirlərindən birini qonaqlara səsləndirib. Sonda yazıçının foyedə sərgilənən bir-birindən möhtəşəm əl işlərinə baxış keçirilib və xatirə şəkilləri çəkilib.
