İsmayıllıda kəlağayıdan bəhs edən ədəbi-bədii gecə keçirilib. Bu haqda ShimalNews 16 oktyabr tarixində RİH-yə istinadən məlumat verir.
''Kəlağayı əlvan qıyqacı'' layihəsi çərçivəsində təşkil edilən toplantı Heydər Əliyev adına Mədəniyyət Mərkəzində baş tutub. Tədbirdə RİH-nin əməkdaşı, İctimai Birliyin sədri, mədəniyyət işçiləri, ictimaiyyət nümayəndələri iştirak ediblər.
Tədbirdə çıxış edənlər kəlağayımızın keçmişindən, bu günündən danışıb, layihənin təşkili, mahiyyəti haqqında məlumat veriblər, "Kəlağayı əlvan qıyqacı" kitabı oxuculara təqdim olunub.
Toplantı daha sonra “Niyal” instrumental ansamblının hazırladığı konsert proqramı ilə davam etdirilib.
