İsmayıllı Rayon İcra Hakimiyyətində vakant dövlət qulluğu vəzifələri üzrə ümumi müsahibə elan edilib. Bu barədə ShimalNews 27 yanvar tarixində məlumat verir.
Dövlət İmtahan Mərkəzi tərəfindən İsmayıllı Rayon İcra Hakimiyyəti başçısı Aparatının Sosial-iqtisadi inkişafın təhlili və proqnozlaşdırılması şöbəsinə aparıcı məsləhətçi (1 yer), Hacıhətəmli kənd inzibati ərazi dairəsi üzrə nümayəndəliyinə baş məsləhətçi - baş mühasib (1 yer) vakant yerlərinə qəbul keçiriləcək.
Elan üzrə sənəd qəbulu Dövlət İmtahan Mərkəzinin internet portalı vasitəsilə elektron qaydada həyata keçirilir və 22 fevral 2024-cü il saat 18:00-dək davam edəcək.
