İsmayıllı rayonunda ağac və kolların qanunsuz kəsildiyi aşkar olunub. Bu haqda ShimalNews 12 fevral tarixində məlumat verir.
Dövlət Ekoloji Təhlükəsizlik Xidmətinin əməkdaşları tərəfindən keçirilən nəzarət tədbirləri zamanı Qubaxəlilli kəndi ərazisində Ağazadə Ağalarov tərəfindən icarəyə verilmiş dövlət mülkiyyətində olan torpaq sahəsində ağacların kəsildiyi və təbiətə ziyan dəydiyi müəyyən edilib.
Faktlarla bağlı akt tərtib edilib. Yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış sənədlər Azərbaycan Respublikasının Baş Prokurorluğuna göndərilib.
