Dövlət Məşğulluq Agentliyinin idarə heyətinin sədri İsmayıllıda vətəndaşları qəbul edəcək. Bu barədə ShimalNews 5 dekabr tarixində İsmayıllı RİH-yə istinadən məlumat verir.
Mustafa Abbasbəyli görüş zamanı işlə təmin olunma, özünüməşğulluq proqramından yararlanma, haqqı ödənilən ictimai işlər, peşə hazırlığı kursları və qurumun fəaliyyətinə aid digər sahələrə dair məsələlərlə bağlı müraciətləri cavablandıracaq.
Qəbul 7 dekabr 2022-ci il saat 11:00-da başlayacaq. Görüşdə iştirak etmək istəyən vətəndaşlar 5 dekabr saat 14:00-dək [email protected] elektron poçt ünvanına yazaraq və ya 020 285-12-73, 012 596-43-05 nömrələrinə zəng edərək qəbula yazıla bilərlər.
Ünvan: Dövlət Məşğulluq Agentliyinin Dağlıq Şirvan Regional Məşğulluq filialının İsmayıllı rayon xidmət şöbəsinin inzibati binası (Heydər Əliyev parkı).
Vətəndaşların qəbulu əvvəlcədən tərtib edilmiş siyahı əsasında həyata keçiriləcək.
