İsmayıllıda “Sağlam həyat tərzi” mövzusunda maarifləndirmə tədbiri keçirilib. Bu haqda ShimalNews 25 noyabr tarixində Rayon Gənclər və İdman İdarəsinə (Gİİ) istinadən məlumat verir.
Tədbir 2 saylı tam orta məktəbdə baş tutub. Görüşdə İsmayıllı RİH-nin, RPŞ-nin, Rayon Gİİ-nin əməkdaşları iştirak ediblər. “Sağlam həyat tərzi, sağlam vətəndaş, sağlam dövlət”, “Narkomaniya və siqaret sağlamlığa düşməndir, yoxsa dost”, “İdman sağlamlıqdır”, “Erkən nikah və qan qohumluğu” mövzuları ətrafında diskussiya aparılıb.
Şagirdlərə zərərli vərdişlərin sağlam həyat tərzinə vurduğu ziyanlardan, siqaretin insanlara və dünyaya zərərlərindən bəhs edilib. Məktəblilərə idmanın faydalarından danışılıb, asudə vaxtlarında idmanla məşgul olmaq tövsiyə olunub.
