İsmayıllı rayonunda kartof məhsuldarlığı bu il yüksək olub. Bu barədə ShimalNews 30 sentyabr tarixində Azərtac-a istinadən məlumat verir.
Artıq torpaq mülkiyyətçiləri iyun ayından başladıqları kartof yığımını yekunlaşdırıblar. Cari mövsümdə bölgədə 726 hektar sahədə kartof yetişdirilib. Sahələrdən 10.542 ton məhsul götürülüb.
Rayon üzrə hər hektardan götürülən orta məhsuldarlıq 145 sentner təşkil edib. Qurbanəfəndi, Yuxarı Zərnava, Burovdal, Həftəsol və bir sıra digər ərazi icra nümayəndəliklərində isə məhsuldarlıq daha yüksək olub.
