Şahdağ Milli Parkının İsmayıllı bölməsində zubrların bərpası və onların ölkə təbiətinə reintroduksiya olunması davam edir. Bu haqda ShimalNews 25 noyabr tarixində xəbər verir.
İDEA İctimai Birliyi, Ekologiya və Təbii Sərvətlər Nazirliyi və WWF-nin Azərbaycan Nümayəndəliyi tərəfindən həyata keçirilən layihə çərçivəsində Azərbaycana Almaniyadan daha 10 zubr gətirilib. Onlar bir müddət volyer şəraitində saxlanacaq, adaptasiya dövrünü keçdikdən sonra parkın ərazisinə buraxılacaq.
Təbii artımla birlikdə hazırda bu iribuynuzluların sayı 61-ə çatıb. Layihənin 2028-ci ilə qədər davam etdirilməsi və zubrların sayının 100 başa çatdırılması nəzərdə tutulur.
