İsmayıllı rayonunda yanğın baş verib. Bu haqda ShimalNews 5 noyabr tarixində Fövqəladə Hallar Nazirliyinə istinadən məlumat verir.
Hadisə Əhən kəndində baş verib. Burada ümumi sahəsi 96 kv.m olan metal konstruksiyadan ibarət talvarın altına yığılan 5 ton ot bağlaması yanıb. Yüksək temperaturdan talvarın metal konstruksiyaları deformasiyaya uğrayıb.
Ot bağlamalarının 20 tonu və talvana bitişik tikililər yanğından mühafizə olunub. Alov yanğından mühafizə bölmələri tərəfindən söndürülüb.
