İsmayıllı rayonunda Mədəniyyət naziri Adil Kərimli vətəndaşların qəbulunu keçirib. Bu haqda ShimalNews 13 yanvar tarixində məlumat verir.
Qəbuldan öncə Heydər Əliyevin abidəsi önünə gül dəstələri qoyularaq xatirəsi yad edilib. Nazirlə görüşdə İsmayıllı, Ağsu, Qobustan və Şamaxı rayonlarından ümumilikdə 42 vətəndaş iştirak edib.
Sakinlər işlə təminat, fəxri adla təltif edilmə, mədəniyyət sahəsi ilə bağlı təklif və mövcud problemləri səsləndiriblər.
Daha sonra İsmayıllı və Şamaxıda bir sıra mədəniyyət müəssisələrinin fəaliyyəti ilə tanışlıq olub.
