İsmayıllı şəhər sakininin Qəbələ rayon Mərkəzi Xəstəxanasında ölməsi faktı üzrə cinayət işinin istintaqı tamamlanıb. Bu haqda ShimalNews 30 noyabr tarixində Prokurorluğa istinadən xəbər verir.
Hadisə bu il yanvarın 14-də baş verib. 33 yaşlı Murad Süleyman adıçəkilən tibb müəssisəsində vəfat edib.
İstintaq müəyyən edib ki, həkim-anestezioloq-reanimatoloq Vahid Babayev öz xidməti vəzifələrini lazımi qaydada yerinə yetirməyib. Bu da ölümə səbəb olmada əsaslı şübhələr doğurub.
Toplanmış sübutlar əsasında Vahid Babayevə Cinayət Məcəlləsinin 314.2-ci (ehtiyatsızlıqdan zərərçəkmiş şəxsin ölümünə səbəb olan səhlənkarlıq) maddəsilə ittiham elan edilməklə cinayət işi baxılması üçün aidiyyəti üzrə rayon məhkəməsinə göndərilib.
