İsmayıllıda 2 evdən 3000 manat dəyərində oğurluq edilib. Bu barədə ShimalNews 6 dekabr tarixində Report-a istinadən məlumat verir.
Evlərə gecə saatlarında daxil olan naməlum şəxs 3 ədəd mobil telefon və elektron qol saatını oğurlayıb. Keçirilən əməliyyat-axtarış tədbirləri nəticəsində Topçu kənd sakini Əfqan Babayev şübhəli şəxs qismində saxlanılıb.
Araşdırma zamanı saxlanılan şəxsin oğurladığı mobil telefonları Bakı şəhərində ayrı-ayrı şəxslərə satdığı məlum olub. Həmin telefonlar da maddi sübut kimi istintaqa təhvil verilib.
Faktla bağlı cinayət işi başlanılıb, Əfqan Babayev barəsində məhkəmənin qərarı ilə həbs qətimkan tədbiri seçilib.
[caption id="attachment_32313" align="alignnone" width="640"]
Foto Report[/caption]
