İsmayıllı Rayon İcra Hakimiyyəti 3 tender müqaviləsi imzalayıb. Bu barədə ShimalNews 28 dekabr tarixində FED.az-a istinadən məlumat verir.
Bağlanmış müqavilələrin ümumi dəyəri 250.292,65 manatdır. Qalib olan şirkətləri təqdim edirik:
- "İsmayıllı rayonu, Q.Aslanov, M.Abbasov, S.Hüseynzadə, E.Dünyamalıyev küçələrində və şəhid C.Bədəlovun yaşadığı küçədə yolların əsaslı təmiri işləri" tenderinin qalibi "İsmayıllı Tikinti-27" ASC. Şirkətlə imzalanan müqavilənin dəyəri 119.355,23 manat təşkil edir;
- "Abadlıq işləri üzrə mal materialların, eləcə də uşaq əyləncə attraksionlarının satın alınması" tenderinin qalibi Emil Məlikəhməd oğlu Əliyev. Tenderin dəyəri 94.730,4 manatdır;
- "Küçə işıqları üçün plafonların satın alınması" tenderinin qalibi isə "Buta Supply" MMC olub. Şirkətlə 36.567,02 manat məbləğində müqavilə imzalanıb.
