Quba Soyqırımı Memorial Kompleksinin direktoru növbədənkənar prezident seçkilərinin Azərbaycanın bütün suveren ərazilərində təşkil olunması ilə tarixə düşəcəyini bildrilib. Bu haqda ShimalNews 15 yanvar tarixində “Azərtac”a istinadən məlumat verir.
“İşğaldan azad olunmuş ərazilərdə ilk dəfə seçkilərin keçirilməsi bizim üçün olduqca önəmli hadisədir. Bu tarixi hadisə hər birimizdə qürur hissi yaşadır. Bir vaxt xəyalını qurduğumuz anları yaşayırıq. Artıq xeyli soydaşımız azad olunmuş torpaqlarımıza, öz ata-baba yurdlarına qayıdıblar və bu proses davam edir. Artıq xəbər buraxılışlarında Füzulidə, Laçında seçki məntəqələri, seçkiyə hazırlıqla bağlı informasiyaları izləyirik. Sözlə ifadə olunması mümkün olmayan sevinc hissi yaşayırıq. Bu seçkilər, həqiqətən, bayram ab-havasında keçəcək”, - deyə tarix üzrə fəlsəfə doktoru Rəxşəndə Bayramova söyləyib.
