Bu gün Dövlət Gömrük Komitəsi sədrinin vəzifəsini müvəqqəti icra edən Şahin Bağırov İsmayıllı şəhərində vətəndaşları qəbul edib. Bu barədə ShimalNews 23 dekabr tarixində komitəyə istinadən məlumat verir.
Görüş Heydər Əliyev Mərkəzində baş tutub. İsmayıllı və Ağsu rayonlarından olan vətəndaşlar, əsasən, işə qəbul, idxal-ixrac əməliyyatları və digər gömrük məsələləri ilə bağlı müraciət ediblər.
Qaldırılan məsələlərin bir qismi yerindəcə həllini tapıb, araşdırılması tələb olunan digər müraciətlərlə bağlı müvafiq tədbirlərin görülməsi üçün aidiyyəti strukturların rəhbərlərinə tapşırıqlar verilib.
