Gənclər və idman naziri Fərid Qayıbov idman federasiyalarının nümayəndələri ilə növbəti - 13-cü görüşünü Quba şəhərində keçirib. Bu barədə ShimalNews 14 mart tarixində məlumat verir.
Tədbir Olimpiya İdman Kompleksində təşkil olunub. Burada son vaxtlar görülmüş işlər və qarşıda duran vəzifələr haqqında danışılıb. Gündəlikdə, əsasən, yerli və beynəlxalq yarışların yayımı ilə bağlı İdman TV-nin təqdimatı dinlənilib.
Həmçinin idman fotoqraflarının fəaliyyəti, gələcək perspektivlər mövzusunda, "Gilavar" foto klubu barədə məlumat verilib. "Fibonaççi Games" şirkətinin kollektiv intellekt təlimi, idmanla məşğulluq, "İdman həftəsi" çərçivəsində paytaxtda və regionlarda keçirilmiş tədbirlər barədə hesabat verilib, idman strategiyası ilə bağlı təqdimat və digər məsələlər barədə danışılıb.
