Fövqəladə Hallar Nazirliyinin aidiyyəti qurumları tərəfindən Xaçmaz rayonunda fövqəladə hallarla bağlı maarifləndirilmə məqsədilə tədbirlər keçirilib. Bu barədə ShimalNews 20 aprel tarixində məlumat verir.
Ə.Tahirov adına Köhnə Xaçmaz kənd tam orta məktəbində Şimal Regional Mərkəzi tərəfindən gənclərə baş verə biləcək təbii və texnogen xarakterli fövqəladə hadisələrlə bağlı zəruri davranış qaydaları barədə müvafiq biliklər verilib.
Məktəblilərə fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğınların başvermə səbəbləri və bu zaman zəruri davranış qaydaları barədə ətraflı məlumat verilib, FHN-in “112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
İnteraktiv formada keçirilən tədbirlər zamanı suallar ətraflı cavablandırılıb.
