FHN-in Şimal-Qərb Regional Mərkəzinin təşəbbüsü ilə İsmayıllı Rayon İcra Hakimiyyətində müşavirə keçirilib. Bu barədə ShimalNews 10 dekabr tarixində məlumat verir.
Tədbirin mövzusu “2022-ci ildə mülki müdafiə sahəsində görülmüş işlərin yekunları və 2023-cü ildə qarşıda duran vəzifələr” olub.
Müşavirədə müvafiq qurumların nümayəndələri, aidiyyəti rayon xidmətləri və təhsil müəssisələrinin, mənzil-kommunal təsərrüfatı təşkilatlarının rəhbərləri iştirak ediblər.
Rayon ərazisində mülki müdafiə sahəsində mövcud vəziyyət və çətinliklər, onların həlli yolları barədə ətraflı məlumat verilib. Obyektlərdə keçirilmiş monitorinqlərin nəticələri haqqında iştirakçılara məlumat verilib.
Müşavirənin sonunda mövzu ilə bağlı müzakirələr aparılıb, təkliflər dinlənilib və suallar cavablandırılıb.
