Qubada saxlanılan Tərtər rayon sakininin üzərində “Kalaşnikov” markalı avtomat, patron darağı və 5 ədəd güllə aşkarlanıb. Bu barədə ShimalNews 19 yanvar tarixində Daxili İşlər Nazirliyinin Mətbuat Xidmətinə istinadən məlumat verir.
Polis əməkdaşları qanunsuz saxlanılan odlu silah, partlayıcı maddə və qurğuların aşkar edilməsi, onların satışı ilə məşğul olan şəxslərin ifşa olunması məqsədilə əməliyyat-axtarış tədbiri həyata keçiriblər.
Nəticədə əvvəllər dəfələrlə məhkum olunmuş Ədalət Məmmədov saxlanılıb. Onun üzərində adıçəkilən silah aşkar edilib.
Məhkəmənin qərarı ilə həmin şəxs barəsində həbs qətimkan tədbiri seçilib.
[video width="1920" height="1080" mp4="https://shimal.news/storage/photos/2024/01/razmer.mp4"][/video]
