Qusarda polis əməkdaşları məktəblilərlə “Narkomaniyaya yox deyək” mövzusunda görüş keçiriblər. Bu haqda ShimalNews 22 aprel tarixində məlumat verir.
Tədbirlər Qalacıq və Quxuroba kənd tam orta məktəblərində təşkil edilib. Pedaqoji heyətin, eləcə də yuxarı sinif şagirdlərinin iştirak etdiyi görüşdə RPŞ-nin rəisinin xidmət üzrə müavini polis polkovnik-leytenantı Emin Kərimov narkotik vasitələrin insanlar üçün yaratdığı problemlərdən danışıb və narkomaniyanın cəmiyyətin problemi olduğunu qeyd edib.
Daxili İşlər Nazirliyinin Polis Akademiyası barədə şagirdlərə ətraflı məlumat verilərək, təhsil müəssisəsinin yaranma tarixindən, inkişafından danışılıb.
Sonda məktəblilərin sualları cavablandırılıb.
