İsmayıllıda narkotikin təsiri altında avtomobil idarə edən sürücü saxlanılıb. Bu haqda ShimalNews 29 may tarixində məlumat verir.
İşıq cihazlarından düzgün istifadə etməyən “VAZ-2107” markalı avtomobilin sürücüsü Ə.Novruzov Baş Dövlət Yol Polisi İdarəsinin əməkdaşları tərəfindən saxlanılıb.
Yoxlama zamanı sürücünün narkotik vasitənin təsiri altında olmasına dair şübhə yaranıb. O, tibbi müayinədən keçirilib. Nəticədə Ə.Novruzovun marixuana istifadə etdiyi müəyyən edilib.
Həmçinin avtomobildə sərnişin qismində olan S.Məmmədovdan marixuana aşkar edilərək götürülüb.
Sürücü barəsində protokol tərtib olunub, S.Məmmədov isə maddi sübutla birlikdə İsmayıllı Rayon Polis Şöbəsinə təhvil verilib.
Faktla bağlı araşdırma aparılır.
