Dövlət İmtahan Mərkəzi (DİM) tərəfindən II və III ixtisas qrupları üçün Xaçmaz və Qubada imtahanlar olub. Bu haqda ShimalNews 27 may tarixində məlumat verir.
Şimal bölgəsi üzrə mayın 26-sı 2115 abituriyentin bilikləri doqquz mərkəzdə yoxlanılıb. Həmin vaxt 298 nəzarətçi müəllim və 51 imtahan rəhbəri prosesə cəlb olunub.
Mayın 27-dən etibarən DİM-də imtahan protokolları və materialların emalına başlanılacaq. İmtahanlarda istifadə olunan açıq tipli tapşırıqların yoxlanılması vaxt tələb etdiyindən nəticələrin yaxın 2 həftə ərzində elan olunması nəzərdə tutulur.
