DİM: Buraxılış imtahanında sual kitabçaları şagirdlərə veriləcək

Dövlət İmtahan Mərkəzi tərəfindən tam (11 illik) orta təhsil səviyyəsi üzrə buraxılış imtahanında yenilik var. Bu il ilk dəfə olaraq, sual kitabçaları iştirakçılara təqdim olunacaq. Bu haqda ShimalNews 24 fevral tarixində məlumat verir.

Bunu Dövlət İmtahan Mərkəzinin Mətbuat Xidmətinin rəhbəri Xanlar Xanlarzadə bildirib. İştirakçılar sual kitabçalarını yalnız imtahan başa çatdıqdan sonra apara biləcəklər.

İsmayıllı, Xaçmaz, Siyəzən, Şabranda imtahan martın 3-ü, Quba, Xızı, Qusarda isə martın 10-u baş tutacaq. Buraxılış imtahanında iştirak edəcək şagirdlər linkdən istifadə etməklə özlərinin imtahana buraxılış vərəqəsini, təhsil müəssisələri isə bütün şagirdlərin imtahana buraxılış vərəqələrini çap edə bilərlər.

Şagirdlər iş nömrəsini buradan öyrənə bilərlər. Şəxsiyyəti təsdiq edən sənədində şəkli olmayan şagirdlər buraxılış imtahanı üçün təhsil müəssisəsi tərəfindən verilməli olan arayışı DİM-in saytından yükləyə bilərlər.

Şagirdlər imtahana aşağıdakı sənədləri gətirməlidirlər:

-İmtahana buraxılış vərəqəsi;

- Şəxsiyyəti təsdiq edən sənədin əsli:

1. a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini;


2. b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;