Qusarın ictimai iaşə müəssisələri və ticarət obyektlərində AQTA reydlər keçirib. Bu barədə ShimalNews 18 aprel tarixində quruma istinadən məlumat verir.
Yoxlama nəticəsində obliqat qrupuna daxil olan işçilərin ilkin və dövri tibbi müayinədən keçirilməməsi, baytarlıq şəhadətnaməsi və ya arayışı olmayan heyvan mənşəli məhsulların qəbulu ilə bağlı nöqsanlar aşkar edilib.
Bununla bağlı qanunvericiliyin tələblərinə uyğun müvafiq tədbirlər görülüb, sahibkarlıq subyektlərinin rəhbərləri inzibati məsuliyyətə cəlb olunublar. Qayda pozuntusu olan müəssisələr aşağıdakılardır:
| № | Sahibkarlıq subyekti | Ünvan | Aşkar olunan nöqsanlar |
Ticarət obyektləri | |||
| 1 | "Jasmin" market | Qusar şəhəri, Ç.Qurbanov küçəsi | Obliqat qrupuna daxil olan işçilərin ilkin və dövri tibbi müayinədən keçməməsi |
Apteklər | |||
2 | "Ömür" aptek | Qusar şəhəri, E.Şəfixanov küçəsi | Obliqat qrupuna daxil olan işçilərin ilkin və dövri tibbi müayinədən keçməməsi |
3 | "Zeytun" aptek | Qusar şəhəri, N.Şərifov küçəsi | Obliqat qrupuna daxil olan işçilərin ilkin və dövri tibbi müayinədən keçməməsi |
İctimai iaşə müəssisələri | |||
| 4 | Əhmədov Şamil Əliyaroviçə məxsus dönər evi | Qusar şəhəri, F.Musayev küçəsi | 1.Qida təhlükəsizliyi qeydiyyatına dair çıxarışın olmaması 2.Obliqat qrupuna daxil olan işçilərin ilkin və dövri tibbi müayinədən keçməməsi |
