İsmayıllı rayonundan olan qadın fermer dəstək alıb. O, AFAQ layihəsi çərçivəsində təsərrüfat sahəsinə uyğun avadanlıqlarla təmin olunub. Bu barədə ShimalNews 28 noyabr tarixində adıçəkilən təşkilata istinadən məlumat verir.
Səidə Mirzəyeva 10 ildən çoxdur ki, kənd təsərrüfatının arıçılıq, taxılçılıq, quşçuluq və heyvandarlıq sahələrində fəaliyyət göstərir.
Aqrar Fəaliyyətli Azərbaycan Qadınlar (AFAQ) layihəsi kənd təsərrüfatında qadın sahibkarların sayının artırılması və onların inkişafı məqsədilə yaradılıb. Onun vasitəsilə qadınların kənd təsərrüfatına əsaslanan biznes fəaliyyətlərini inkişaf etdirmək üçün informasiya, bilik və digər imkanlara çıxışını asanlaşdıracaq, həm özlərinin, həm də ailələrinin və kənd icmalarının sosial rifahının yaxşılaşmasına imkan yaradılır.
