Quba rayonunda 2026-cı ilin aprel-may aylarında orta aylıq nominal əməkhaqqı 723,3 manat olub.
Shimal.News-un əldə etdiyi məlumata görə, bu göstərici ötən ilin eyni dövrü ilə müqayisədə 1,2 faiz və ya 8,4 manat artıb.
Rayonda ümumilikdə 14 833 siyahı tərkibində olan işçi çalışır.
Ən yüksək orta maaş maliyyə və sığorta sahəsindədir – 1908,5 manat.
Digər yüksək göstəricilər:
Digər xidmətlər – 1365,3 manat
Dövlət idarəetməsi və müdafiə – 1331,3 manat
Elektrik, qaz və buxar – 969,4 manat
Səhiyyə və sosial xidmətlər – 915,5 manat
Ən aşağı orta maaş isə:
Nəqliyyat və anbar təsərrüfatı – 444,2 manat
Ticarət və avtomobillərin təmiri – 459,8 manat
Daşınmaz əmlak – 483,1 manat
Qubada ən çox işçinin çalışdığı sahə təhsildir. Bu sektorda 4895 nəfər işləyir və orta maaş 746 manatdır.
Qeyd edək ki, 2026-cı il iyulun 1-nə rayonda 345 yeni iş yeri açılıb.
