Oğuzun Bayan kəndində ənənəvi olaraq geniş yayılmayan çiyələkçilik yeni təsərrüfat nümunəsi ilə diqqət çəkib.
Fermer Elgün Umarlı cari ilin fevralında 1 hektar sahədə çiyələk yetişdirməyə başlayıb. Artıq sahədən 35 tondan çox məhsul yığılıb.
Məhsulun mövsümün sonunadək 60 tona çatdırılması, orta məhsuldarlığın isə 45–50 ton olması gözlənilir. Becərmə zamanı əsasən təbii gübrələrdən istifadə olunub.
Təsərrüfatda Bayan kəndinin sakinləri, o cümlədən evdar qadınlar çalışır. Fermer gələcəkdə sahəni 10 hektara qədər genişləndirməyi, işçilərin sayını isə 120–150 nəfərə çatdırmağı planlaşdırır.
Hazırda Oğuzda yetişdirilən çiyələk Ağsu, Qəbələ, Şamaxı və Şəki bazarlarına göndərilir. Növbəti mərhələdə məhsulun xarici bazarlara çıxarılması nəzərdə tutulur.
Mənbə: Azərtac
