Azərbaycanda 2026-cı ildə donuzların sayı 3298 baş təşkil edib.
Dövlət Statistika Komitəsinin məlumatına görə, 2025-ci ildə ölkədə 3377 baş donuz qeydə alınıb.
Beləliklə, cari ildə donuzların sayı əvvəlki ilin göstəricisinin 97,7 faizini təşkil edib.
Donuzların böyük hissəsi Şəki-Zaqatala iqtisadi rayonunda saxlanılır. Bu iqtisadi rayonda 2401 baş donuz qeydə alınıb. Onlardan 1681-i Qax, 625-i Qəbələ, 95-i isə Oğuz rayonunun payına düşüb.
Dağlıq Şirvan iqtisadi rayonunda 221 baş donuz olub və onların hamısı İsmayıllı rayonunda qeydə alınıb. Bakı şəhərində 197, Gəncə-Daşkəsən iqtisadi rayonunda 157, Şərqi Zəngəzurda 100, Qazax-Tovuzda 79, Mil-Muğanda 52, Quba-Xaçmazda 51, Qarabağ iqtisadi rayonunda 25, Abşeron-Xızıda isə 15 baş donuz saxlanılıb.
Ötən illə müqayisədə bəzi iqtisadi rayonlarda donuzların sayı artıb, bəzilərində isə azalıb. Ən böyük artım Gəncə-Daşkəsən iqtisadi rayonunda qeydə alınıb. Burada donuzların sayı 2025-ci ildəki 46 başdan 2026-cı ildə 157 başa yüksəlib. Quba-Xaçmaz iqtisadi rayonunda göstərici 32-dən 51-ə, Qazax-Tovuzda 74-dən 79-a, Şərqi Zəngəzurda isə 98-dən 100-ə çatıb.
Bakı şəhərində donuzların sayı 460 başdan 197 başa, Şəki-Zaqatala iqtisadi rayonunda isə 2427 başdan 2401 başa enib.
Mənbə: Modern.аz
