ABŞ-nin Azərbaycandakı müvəqqəti işlər vəkili Emi Karl İsmayıllıda yerləşən "Coca-Cola" istehsal müəssisəsinə səfər edib.
Shimal.News xəbər verir ki, səfər zamanı Emi Karl zavodun fəaliyyəti ilə tanış olub, müəssisənin əməkdaşları ilə görüşüb və onlarla birlikdə ağacəkmə mərasimində iştirak edib.
Qeyd olunub ki, "Coca-Cola" şirkəti 30 ildən artıqdır Azərbaycanda fəaliyyət göstərir və ölkədə minlərlə iş yerinin yaradılmasına töhfə verib.
İsmayıllıda fəaliyyət göstərən yeni istehsal müəssisəsi isə 100-dən çox daimi yerli iş yeri təmin edir.
Bildirilib ki, müəssisənin fəaliyyəti Amerika brendlərinin və beynəlxalq investisiyaların yerli iqtisadi inkişafa verdiyi töhfəni, yeni iş imkanlarının yaradılmasını, eləcə də ABŞ-Azərbaycan iqtisadi tərəfdaşlığının gücləndirilməsində özəl sektorun rolunu nümayiş etdirir.
