Xaçmazda uşaq və yeniyetmələr arasında şahmat turniri baş tutub. Bu haqda ShimalNews 28 sentyabr tarixində Quba-Xaçmaz Regional Gənclər və İdman İdarəsinə istinadən məlumat verir.
Tədbir Xaçmaz şahmat məktəbində təşkil olunub. Yarışda rayon üzrə gənclər və idman sektorunun müdiri Elman Məmmədov, Xaçmaz UGİŞM-in direktoru Nəriman Babayev, rayon üzrə sektorun baş məsləhətçisi Nizami Mustafayev və şahmat üzrə məşqçi müəllimlər iştirak ediblər. Turnirdə 40 nəfərdən çox yeniyetmə şahmatçı özünü sınayıb. Qalib idmançılara müvafiq dərəcəli diplomlar təqdim edilib.
Xaçmaz rayonu üzrə gənclər və idman sektorunun və Xaçmaz UGİŞM-in birgə təşkilatçılığı ilə keçirilən idman tədbiri 27 Sentyabr - Anım Günü ilə bağlı olub.
