Xaçmaz rayonunda idarə, müəssisə və təşkilatlar arasında minifutbol üzrə turnirə yekun vurulub. Bu haqda ShimalNews 27 iyul tarixində məlumat verir.
Final oyunu Xaçmaz Regional Qaz İstismarı İdarəsi komandası ilə Xaçmaz rayon Polis Şöbəsi arasında baş tutmuşdur. Xaçmaz RQİİ 1:0 hesabı ilə çempionatın qalibi olub.
Tədbirin sonunda yarış iştirakçılarının təltif olunması mərasimi keçirilib. Yarışları ədalətli idarə etdiyinə görə turnirin hakimi Vüqar Heybətov, turnirin ən yaxşı oyunçusu Xələf Mustafayev ("Həyat İnşaat"), ən çox qol vuran oyunçu Qeybulla Kaçayev ("Avromed" QSC) və ən yaxşı qapıçı Mədin Şeydayev ("Maliyyə") QXRGİİ-nin diplom və hədiyyələri, 3-cü yerin sahibi "Avromed" QSC, 2-ci yerin sahibi Xaçmaz rayon Polis Şöbəsi və turnirin qalibi Xaçmaz Regional Qaz İdarəsi QXRGİİ-nin müvafiq dərəcəli diplom, medal və hədiyyələri ilə mükafatlandırılıblar.
